Tusome i herufi ze'Kifuliiru
Mu Kifuliiru tumukolesa i herufi ukudeta kwo tufunganye amagambo. Tugweeti iherufi izishuni ne'zindi ndeto nge' Kiswahili, Kifaransa, Kingereza, ne'zindi nyingi. Tumukolesa injira yo kuyandika bamuberangira ye Kilatini (Latin Scripting system).
Kera twabona iherufi zooshi zo'lufwabe mu Kifuliiru, hano tukolaga tugasoma ngisi kwo amagambo tumugavunganya ukulengera mu herufi zo lufwabe lwe' Kifuliiru.
Herufi izimutuhereza izu: a, e, i, o, u
Mu Kifuliiru iherufi z'izu ziliri zitanu.
Mu herufi niini: a, e, i, o, u .
Mu herufi mbamu: A, E, I, O, U.
Izindi herufi : b, c, d, f, g, h, j, k, l, m, n, p, r, s, t, v, w, y, z
Mu Kifuliiru izindi herufi izitaliri z'izu, tumuziberangira iherufi zo'kugwatisa. Ziliri ikumi na mweenda (19). Zo zezino:
Mu herufi niini: b, c, d, f, g, h, j, k, l, m, n, p, r, s, t, v, w, y, z
Mu herufi mbamu: B, C, D, F, G, H, J, K, L, M, N, P, R, S, T, V, W, Y, Z
Tubiike iherufi zibiri kuguma: Z'izu na zo'kugwatisa
| b | c | d | f | g | h | j | k | l | m | n | p | r | s | t | v | w | y | z | |
|---|---|---|---|---|---|---|---|---|---|---|---|---|---|---|---|---|---|---|---|
| a | ba | ca | da | fa | ga | ha | ja | ka | la | ma | na | pa | ra | sa | ta | va | wa | ya | za |
| e | be | ce | de | fe | ge | he | je | ke | le | me | ne | pe | re | e | te | ve | we | ye | ze |
| i | bi | ci | di | fi | gi | hi | ji | ki | li | mi | ni | pi | ri | i | ti | vi | wi | yi | zi |
| o | bo | co | do | fo | go | ho | jo | ko | lo | mo | no | po | ro | o | to | vo | wo | yo | zo |
| u | bu | cu | du | fu | gu | hu | ju | ku | lu | mu | nu | pu | ru | u | tu | vu | wu | yu | zu |
Mu ndeto zooshi, amagaambo gamushaga mu kugwanatisa i herufi kuguma. Kumuba kugwatisa iherufi zo'kugwatisa na z'isu.
Kushaaza amagambo mu herufi
Ku kyanya wahebwa i herufi kwokwoshi kulya nzagaba, zangaba herufi zooshi zo'lufwabe, wangashaaza mwohe amagambo gatali na maniini. Halikago, kuliri kumenya kwo amagambo ge'Kifuliiru kutaliri naho kugwatwisa iherufi kuguma. Haliri herufi wangabiika kuguma zinashaga mwohe amagambo haliko yago magaambo ganabe gatagweti kwo gadesiri mu kifuliiru. Byo bitumiri, ikyanya wagwatisa iherufi inyingi ukudeta kwo ushaaze mwohe amagaambo, ukolaga ugashubi galuka unalolage li yabo magaambo gagweti kwo gadesiri mu Kifuliiru.
Tuloonge amagaambo
Hano tugaba tugagtisa iherufi halinde tuloonge amagambo mingi. Haliko ulenge hano ulole yago magambo li galiri mu KIFULIIRU.
Tugwajike: